Il-Platt li Kien Dejjem Taħt

Mela darba, ġewwa cupboard ta' kċina, fl-ewwel sular ta' dar f'ħaż-Żabbar, kien hemm folla sħiħa. Folla magħmula minn kull għadd ta' platti, dixxijiet, plattini, kaxxi tat-Tupperware, u kull min jinzerta jgħaddi mill-kċina f"dik id-dar f'ħaż-Żabbar. Dawn kienu bi kwiethom, fil-maġġor parti tal-ħin, meta l-bieba tal-cupboard kienet tkun miftuħa. Imma fil-mument li din tingħalaq, qisu l-abitanti tal-cupboard kienu jieħdu l-ħajja, u jibdew it-tieni ħajja tagħhom.

Fuq xkaffa minnhom kien hemm sett platti, sett platti ta' sitta. Kont tħares lejhom kont taħseb li dawn kienu kollha l-istess, imma kif tingħalaq il-bieba u dawn jieħdu l-ħajja, kont tinduna x'karattru differenti kellhom minn xulxin. 

Dawn il-platti kienu qattgħu ġafna minn ħajjithom flimkien. Kienu twieldu ġewwa fabbrika, fost familja kbira ħafna magħmula minn ħafna aħwa, platti kollha l-istess. Qishom twins, imma għal xi mitejn darba. Fi tfultihom, ftit wara li twieldu ġewwa din il-fabbrika, kienu ġew magħżulha huma s-sitta, ippakkjati ġewwa l-sitess kaxxa, u mibgħuta madwar id-dinja. Kienu qattgħu ftit żmien sew ġewwa dik il-kaxxa, fil-maħżen tal-impurtatur, sakemm darba waħda, inbiegħu lis-sinjura li kienet toqgħod f'dik id-dar f'ħaż-Zabbar. U min hemm kollox inbidel.

Hi ħadithom id-dar, u wara li ħarġithom mil-kaxxa, dawn il-platti kienu stagħaġbu għal fejn issa kienu jinsabu, meta tqabbel dak iż-żmien kollu fil-kaxxa mudlama. Stagħaġbu iktar, meta ħassew l-dak l-ilma sħun u sapun sakemm kienu qegħdin fis-sink jiġu maħsulha għal-ewwel darba. Tgħidx kemm ħadu gost ukoll jiġu xxuttati minn dik il-biċċa tal-platti sħuna u ratba. Iżda wara, ġratilhom xi ħaġa li qatt ma kienet ħasbet li ħa tiġrilhom qabel. U fuq din tgħidx kemm iddiskutew l-ewwel darba li sabu ruħhom jistgħu jitkellmu, ġewwa dak il-cupboard tal-kċina speċjali, kif ingħalqet il-bieba.

Fejn kien ilhom dak iż-żmien twil kollu fil-kaxxa, mqegħdha fuq ġenbhom u kollha kienu bil-wieqfa ħdejn xulxin, issa kienu wiħed ġo l-ieħor, b'xi ħadd fil-wiċċ u xi ħadd taħt nett, b"sormu mal-ixkaffa.

U kif bdew għaddejjin is-snin, kienet din li għamlet tagħha. Il-platt ta' fuq, magħruf ukoll bħala l-Ewwel platt, kien dejjem kuntent, kuljum joħroġ mil-cupboard għal dawra mal-kċina. U ġieli kien joħroġ iktar minn darba f'ġurnata. Din kienet l-għena tiegħu, għax kull meta kien joħroġ, kien jispiċċa mhux biss biex jieħu waħda minn dawk il-ħasliet bl-ilma sħun u biċċa niexfa li tant kien sar iħobb, imma li l-ewwel kien ħa jduq ikla tajba, li kienet tkun sajjret is-sinjura tad-dik id-dar f'ħaż-Żabbar.

It-Tieni platt, kif issa kien ħa ismu mal-bqija tal-abitanti tal-cupboard, kien ukoll ħa l-fama. Għax jekk tal-Ewwel kien jidħol, u jitkellem fuq kull ikla li kien iduq, tat-Tieni kien joħroġ hu wkoll kważi għal kull ikla ta' filgħaxija. U waqt li tal-Ewwel, ġieli kien iduq l-ikla ta' nofsinhar, wara kien jispiċċa fis-sink sa filgħaxija, filwaqt li t-Tieni platt, li hafna drabi kien ikun ma ħuhom t-Tielet platt, kien iduq dik ta' filgħaxija, u dik kienet tkun ferm itjeb u iktar bnina. Ħalli għalih lit-Tieni platt biex jiftaħar b'dak li jkun daq flimkien mat-Ttielet waqt dik l-ikla, sakemm l-Ewwel kien ikun qiegħed fis-sink jiċassa lejhom.

Issa fl-istess ħin, dejjem kien ikun hemm id-Dixx u t-Taġen il-kbir, jidħqu bih minn taħt għax dak l-istess ikel, kienu sajjruh huma stess, u jafu li qass biss seta joħlhom it-Tieni platt fuq x'kienu daqew huma, anke qabel ma ġie hu. Huma kienu ħafn'ixjeħ minu, u dik il-kċina tas-sinjura, kienu drawha sew matul ħajjithom jgħixu f'dak fil-cupboard.

It-Tielet platt ma kienx bħal ħuħ, l-anqas xejn ma kien bħall-ħuħ ta' fuqu. Kien jiddejjaq jiftaħar. Ħafna drabi, waqt li t-Tieni platt kien ikun għaddej jiftaħar mal-abitanti kollha tal-cupboard fuq dak li daq, hu kien joqgħod bi kwietu, jewdhen fuq x'seta ukoll ikun daq l-Ewwel platt waqt l-ikla ta' nofsinhar, jew inkella fuq x'kienu jagħmlu dawk l-abitanti tal-cupboard li ma tantx kienu joħorġu. Ġieli wkoll baqa lura, meta l-Ewwel platt matul il-jum kien ikun inħasel u tqegħed lura, u allura filgħaxija kienu joħorġu hu u t-Tieni platt biss.

Ir-Raba' u l-Ħames platti kienu dħulin. Iktar fuq tagħhom mit-Tielet, għax avolja kienu joħorġu ftit wisq, meta jiġu l-mistednin biss. Huma kienu drawha l-ħajja ma sħabhom fil-cupboard li kienu joħorġu rari ħafna ukoll. Kienu jkunu dejjem qegħdin jgħidu kelma mal-oħrajn, jittamaw f'li joħorġu jieklu waħda, waqt li ta' fuqhom kienu jgawdu ħafna iktar ta' spiss. Iżda hawn irridu ngħidu li wkoll kienu daquħ sew l-ikel li kien għadda mid-Dixx, u anke dak li sajjar it-Taġen il-kbir, għax dawk dejjem kienu jkunu barra magħhom meta jiġu d-dar l-mistednin.

U fl-aħħar kien hemm ħuhom l-ieħor, is-Sitt platt, jew kif kien jafu kulħadd, il-platt li kien dejjem taħt. Dan qatt ma kienet messitu x-xorti li joħroġ xi darba. Kien kwiet ħafna, u iktar ma għadda ż-żmien, kien dejjem isir iktar kwiet u maqtugħ għal-rasu. Ftit li xejn kien sar jitkellem mal-oħrajn, speċjalment wara li tkun infetħet il-bieba, u għal darb' oħra reġgħa tħalla waħdu fuq dik l-ixkaffa, meta ħutu kollha kienu jkunu qegħdin iduqu minn dak li sajjru d-Dixx u t-Taġen il-kbir. Kienu jaqbduh dwejjaq kbar miskin.

Issa bejniethom, kull meta kienu joħorġu iktar minn wiħed waħdu minn ġo dak il-cupbord, kienet ġieli tiġri li l-Ewwel platt jitpoġġa flok it-Tieni platt, u għal xi żmien, it-Tieni jgħix il-ħajja tal-Ewwel. Darba ġrat lit-tielet li għal ftit ġimgħat, tghidx kemm kien ħa ġost b'dik il-ħajja li tant kien jewdhen fuqha. U tal-Ewwel ma kienx jiddejjaq l-anqas, għallinqas hekk kien jieħu naqra ta" waqfa u ftit mistrieħ min dak ix-xogħol ta' kuljum. Pero' dan kollu qatt ma dam wisq iktar minn ftit ġimgħat jew xhur, għax dejjem b'xi mod kienu jispiċċaw lura f"posthom xi darba jew oħra f'dak il-cupboard. 

Imma darba, f'għodwa li kienet ttik li ma kellha xejn differenti mill-oħrajn ta' qabilha, ġrat ħaġa li qatt ħadd ma kien stenna qabel. Il-bieba tal-cupboard infetħet bħad-drabi l-oħra. U dlonk daħlu ġiex idejn, li qabdu propju lil-platt ta' isfel nett, is-Sitt platt, u b'ħutu kollha fuqu, u ħarġuh barra minn dak il-cupboard. Hemmek inħasad, fl-ajru, jibbilanċja lil ħutu fuqu, imma ftit wara tpoġġa fuq il-wiċċ tal-irħam ta' dik il-kċina. Darba biss kien raħ dak il-wiċċ tal-kċina qabel, eżatt qabel ma intefa' fil-cupboard, biex qatt ma reġgħa ħareġ. Kemm kien hemm dawl u bjuda, riflessa minn fuq dak il-wiċċ tal-irħam. U filwaqt li għal-ħutu l-oħrajn, din kienet xena komuni, hu baqa' imbellaħ b'dak li ra'.

Dixx u t-Taġen kienu diġa barra, u għal-ftit ħin sew. Dan induna bih għax ftakar s-Sitt platt li kien ilu ftit siegħat sewwa minn meta kien rahom jinħarġu mil-cupboard. Hekk kif ġie ħinu, inħasad is-Sitt platt hekk kif daq dak l-ewwel ikel tiegħu. Kienet waħda minn dawk il-lasagne tajbin li kien jinqala' għalihom d-Dixx. U tgħidx kemm gawdha ma sidu s-Sitt platt. Ġietu tajba llum, għax kien propju qiegħed jiekol minnu r-raġel tas-Sinjura ta' dik il-kċina, u dak dejjem ikun irid iktar. Filwaqt li ħutu l-platti l-oħramarru għand mistednin oħrajn, li jieklu inqas. 

Wara t-tieni biċċa lasagne, ħaseb li kien ħa jispiċċa kollox, iżda ma tarax. Hawnekk it-Tieni, tgġidx kemm kien qiegħed iħarislu u jgħir, għaxanke hu kien xtaq iduqha it-tieni biċċa lasagne. Iżda hawn. kien għad fadal jiġi servit xogħol t-Taġen, li minnu mlajr tqassmu naqra fenek u patata moqlija għal fuq kull wiħed minn dawk is-sitt aħwa platti. 

Kullħadd kien fil-ġenna tal-art, u tgħidx kemm ħa ġost ma sidu jiekol minnu. Is-sitt platt reġgħat ġietu tajba hawn ukoll, għal-għira ta' kulħadd, speċjalment tat-Tieni, meta sidu ried ukoll it-tieni biċċa fenek moqli. Qatt ma ħaseb li kien ħa jkun gawdha daqsekk it-tieni platt, pero ma kienx jaf x"kien ġej għal-wiċċu.

Kollha inħaslu wara l-ikla, f"dak l-ilma sħun kollu ragħwa. U dik ix-xuttatura bil-biċċa tant ratba kulħadd ħa gost biha. Imma hemmek ġrat xi ħaġa li ħadd ma kien qed jistenna. Hekk kif is-sinjur ġie biex ipoċċi lil pltti f"posthom, beda bit-Tieni u poggieħ isfel nett. Warajħ iddaħlu it-Tieni w t-Tielet, u fuq kien imisshom din id-darba ir-Raba u l-Ħames. Imma l-iktar li ma stennewx, li s-Sitt platt kien ħa jmissu jidħol fuq nett ta' kulħadd.

Malajr telaqlu l-aptit li jiftaħar lit-Tieni platt, u l-abitanti tal-cupboard kollha ferħulu lis-Sitt platt, li kien s'sisa qas jista' emmen xortih. Fl-aħħar ħa jkun jista' jduq dawk l-ikliet kollha, li kienet tipprepara is-sinjura f'dik il-kċina. U x-xhur għaddew, u sab ruħħu kuntent wisq li dak minn dawk l-ikliet kollha, imma wkoll ddispjaċih għal-hutu, li qabel kienu jgawdu tant, u issa spiċċaw tal-aħħar, kif xi darba hu kien. U waqt li l-Ewwel u t-Tielet platti kienu għaddewha u draw fil-post il-ġdid tagħhom, it-Tieni kien ħadha ħażin wisq, u bilkemm baqa jitkellem, aħseb u ara kemm jiftaħar bħal-qabel.

FEraħ fuq li feraħ is-Sitt platt, imma feraħ ukoll, meta darba reġgħu ġew il-mistednin, u meta daħal lura, sab ruħu it-tielet. Kien gawda biżżejed, u issa xtaq jeġodha iktar relax. 

Tinkwetax, Gdibtlek Jien

Tinkwetax, gdibtlek jien. Nitkellmu darb'oħra. Kif dejjem ngħidlek insomma. Issa qiegħed wisq żliega biex naħseb ... u sa għada probabbli jkun tard wisq ... u int bqajt ma inbdilt xejn. Eżempju llum, ma nafx għala tagħmel hekk. Din li taqbad tibgħatli, imma biss meta jkollok bżonn xi ħaġa minn għandi. Imbagħad wara, taparsi qisu xejn mhu xejn, kważi lanqas biss nafu lil xulxin. U jien qisni iblaħ dejjem naqa' għalik. Dejjem. Ostja. Mhux ta' b'xejn wara nkun irrid niżżelleġ.

Biex issa għaddiet ġimgħa. Għalfejn kellek tibgħatli? Jiddispjaċini, iva, jiddispjaċini ħafna li ommok qegħda tbati. Jistħoqqilha aħjar. Imma jien xi tridni nagħmel. Għamilna sentejn sħaħ għaddejjin hekk, u nsomma, forsi ftit inqas. U ma kienx hemm ġurnata fejn meta kellek bżonn ma farraġtekx. U ma kienx biżżejjed għalik mid-dehra. U ħallejtni lampa stampa qisni l-iċċassat. Mela issa għalfejn tiġi tgħid lili? 

Eh ha ssiefer lura biex tmur tieħu ħsiebha? Istra, sew tagħmel. Qalbek tajba ma ommok int. Ħaqq għal madonna imma miegħi liba kont. Jien illum għandi bankett, it-tieni biċċa tat-tieġ. Iva iva, tieġ sabiħ ħafna kien. Iva, għandu jkun sabih u tajjeb ħafna wkoll, kurjuż fuq iċ-ċerimonja... Minn fejn ser ittir? Xiex? Minn London City Airport? Imma xiex, int ħaqq alla bis-serjetà? Xiex, issa qegħdha tiġri warajja? Minn London City veru ha ttir? Eh sewwa. Titjira tal-16:05. Heq ... xi tridni ngħidlek .... ħaqq alla hux ... Iva, jien l-ikla viċin istra. Għaxar minuti kollox bogħod mill-ajruport. Kemm naqsam il-kanal. Kif? Niltaqgħu? Ma nafx għandix ħin. Kif? Ħa tistennieni Costa? Kif ninżel minn fuq id-DLR? Heq, forsi taranimela hux għadni West Ham bħalissa, ħa naqbadha issa ...

U ma kienux erbgħa messaġġi, ħaqq dak alla. Qalbi ttaqtaq, tant li hekk kif fetħet il-bieba tad-DLR, f'dik is-sħana mhx soltu ta' Londra, għoddu tani ħass ħażin. Next stop, Pontoon Dock. This is a DLR service to Woolwich Arsenal. Mind the gap between the train and the platform. Ħaqq alla. Ma nafx għala għedtlek iva. Forsi jien mażokist, nieħu gost naħqar lili nnifsi.

Qaħbeċ. Issa li rajtek. Għadek sabiħa daqs dejjem. Jekk mhux itkar. Ma kontx insejtek, imma kont qbadt inderri mingħajrek. Hello. Kif int? Long time, no see. U żgur. Minn meta konna Lisbona, u wara kien deherlek li titlaqni fuq telefonata kienet idea tajba. F'għoxx ir-relazzjonijiet à lungha distanza. Tidher tajba. Qisu Bristol qed tittrattak sew. Dak ix-xagħar bjond, twil, jmewweġ tul dahrek kollu. Kemm int mazza, ostja. Bilħaqq u żgur, kellek it-tieġ ta' Carmen hux. Nispera ħadtu gost. E u bqajt ġimgħa sħiħa Ċipru. Ahh tajjeb hekk, ġimgħa ħdejn il-baħar ... dejjem hekk ħabbejt int. Infatti tidher samra. Kemm tixraqlek xemata. Dak ix-xahar bjond u għajnejn ċari ma ġilda mbewwsa mix-xemx. 

U mill-bqija x'minnek? Eh iva, dejqitek Bristol? Diġá ostja? Heq Lisbona kienet sabiħa, iva. Kellna erbgħa memorji. Mhux għax nixtieq niftakarhom. Għalfejn trid terġgħa tiftaħli l-ferita? F'għoxx kemm għandek. Ma tantx għandek bagalji miegħek. Iva hux, bil-hand luggage biss tirranġa. Ħaqq alla, fejn sejra issa? Eh sal-loki? Iva, tinkwetax. Issa noqgħod jien mal-bagalji, mhumiex ħafna. F'għoxx kemm għandek...

Qas naf kif għandi nħares lejk, int u tqum u timxi l'hemm. Nafek biżżejjed li qed tagħmilieli apposta, biex inħarislek lejn sormok int u miexja l'hemm. Għadni ma ħfirtlekx. Għadni mweggħa'. U int għadek sabiħa. Ma nafx ħaqqekx li ngħidlek biss biss. Imma nsomma, int dejjem kont kapaċi taqrani qisni ktieb miftuħ, iġifieri taf x'qed naħseb. Almenu meta ridt int insomma. 

...

Hawn. Le le ma ġejtx warajk. Anke jien kelli bżonn ftit il-loki. Tinkwetax ġibt kollox miegħi, ma ħallejt xejn warajja. Hawn ħa dan il-basket tiegħek ...

Iġġudikani kemm trid, imma ma nafx kif ma stajtx naqbad inbusek kif tajtni dik il-ħarsa. Dik il-ħarsa li kienet, u mid-dehra għadha, tħollni qisni kaxxa butir fix-xemx Maltija t'Awwissu, dik li taqli l-ankri, u butir ġġibu lura ħalib maqtugħ. 

Kif stajt inħallik tharisli minn taħt waqt li tigdem xofftok t'isfel. Qaħbeċ inix raġel dgħajjef, biex b'ħarsa waħda waqajt għalik b'dan il-mod. Xufftejk l-istess togħma għadhom, dik il-ħlewwa taċ-ċirasa, ta' dak il-lip gloss minn Boots, li tant tħobb tuża. 

U hemm f'l-istess loki dħalna t-tnejn. Hemm fejn għal ftit insejna kollox. Jien insejt kemm weġġajtni u kemm dejjem tkun egoistà miegħi, u int, insejt ftit l-idea li int wisq miġnuna għalija. Bil-qegħdha nofsi fuq il-loki u nofsi fuq il-bagalji, meta' int tlajt fuqi, rkibtni. U hekk qagħdna, nqandlek riekba fuqi, u ma kull tqandila,  nisma' lilek tingħi u nħossni aħjar. Hekk kif kont iggranfata mad-daqna, tbusli wiċċi, għal darb oħra erġajt ħassejtek. Kont ħsibt li qatt mhu ha nerġgħu inkunu hekk. U għal darb oħra, ġbidtlek xahrek u bistlek għonqok u nżiltlek għal sidrek, itkar ma int bqajt fuqi toqmos iktar milli nqandlek jien ...

Għoxrin minuta, ġo loki, taż ajruport, mhux ċajta. Imma naħseb iss' aħjar naħsiblu. Irrid mmur il-bankett. Irrid insib x'imkien fejn inbiddel. Mhux sejjer b'jeans imtebba' u flokk kollu għaraq. U int, naħseb sarlek il-ħin għal ajruplan. Mur mur, jonqsok il-kju tas-sigurta kollu. Din kienet ta' bla ħsieb. Iva ta' bla ħsieb dejjem tajjeb. Jew le? Aħjar mmur. Iva, imbagħad nibgħatlek ...

Imma hekk, fl-aħħar. Din id-darba spċċajna fuq nota tiegħi 'ssa, mhux bħal meta tlaqtni int, bla ma konna lanqas biss erġajna lħaqna ltqajna, wara Lisbona. Dawk ix-xhur kollha ilu. Biex issa xi trid? Għaliex qed terġgħa tibgħat? Miegħi trid tgerger li misierek ma jistgħax jiġi għalik? Lanqas biss irrid inkellmek. Mhux imbilli ħadna nejka iġifieri li issa ħfirtlek. Jew li qisu xejn mhu xejn. Anzi, forsi 'ssa għandi s-saħħa nitbiegħed minnek. Dik l-istess saħħa li sa ftit siegħat ilu, min jaf fejn kienet. 

Irrid immur ngħinhom jarmaw l-imwejjed. U nġorr il-kaxxi tal-birra. Bilħaqq fejn huma n-numri għal fuq l-imwejjed? Ma rridx inkellmek, għax int minn tiegħek biss jinteresak, u lili ħa terġgħa tarmini hekk kif ma jkollokx bżonni ...

...

Sakra. F'għoxx il-birra. Mhux nara art. Nixtieq nista' nerggħa nisma' leħnek. Imma mhux ħa nċempillek. Tgħid nibgħat? Imma kemm jien falda hux ... dejjem naqa'. Eh, iva għajjiena? Sejra torqod? Heq ok hux, mur orqod hux mela ... 

Tiskanta kif xejn ma jinbidel. Avolja għaddew is-snin u l-pajjiżi minn fuqna. Heq, mur orqod mela hux. Għal ġieħ l-iljieli kollha li għamilt imqajjem miegħek. 

Stenna, veru nixtieq ngħidlek xi ħaġa. Iva naf, digà għedtli li sejra torqod, imma ... Darb'oħra? ... Imma sa darb' oħra il-mument ikun għadda ... X'mument hu? Ma nafx nispjega, taf int, dak il-mument, naqra mgħaffeġ, li għandi ġo moħħi, dak l-imgħaffeġ, bħalissa. Kompli, mur orqod. 

Tinkwetax. Tinkwetax, avolja hi gidba. Avolja nixtieq, li kieku mqar għal darba, int ħabbilt rasek għalija, imma xi tridni ngħidlek. 

Tinkwetax, gdibtlek jien. Nitkellmu darb'oħra. Kif dejjem ngħidlek insomma. Nitkellmu darb'oħra? Inżabbu. Dejjem sal-ponta ta' mnieħrek biss rajt. 

Imma nixtieq il-gidba, x'imkien fil-fond. Nixtieq li jħabbat il-bieb, li tkun int. Imma naf li mhux minnu. Li hi gidba li ngħid lili nnifsi li qatt jistaż jiġri hekk. U issa żlieġa wisq biex naħseb ... 

L-Ajruport Internazzjonali ta' Malta

Hawn. Dejjem ħaqq dak Alla hawn. L-Ajruport Internazzjonali ta' Malta. Għal xi raġuni, dejjem hawn fejn tolqotni b'saħħa liema bħalha dik id-dieqa nspjegabbli. Bikja tajba, tazza inbid, sigarett. U mbagħad inbid ieħor u sigarett ieħor. U ieħor, forsi ninsa li ħa jkolli nerġgħa nitlaq. 

Is-sħana mhux ċajta. Għadu bidu ta' Ġunju, u diġá lanqas tiħaq tinħasel li ma tkunx qiegħed tgħereq. Ma naħsibx kinet tkun daqshekk sħana fil-passat. Jew forsi jien li ma għadnix niflaħ għas-sħana ta' pajjiżi stess. Kerha, li tibda tħossok aljen f'pajjiżek. 

Kemm rani f'mumenti iebsa dan il-post. Sewwa kienet tgħid il-kitba miżbugħa fuq il-ħajt, "ma hemmx postijiet oħra fid-dinja li jara biki u bews iktar onesti minn ajruport." 

Kienu sebgħa snin u tmien xhur ilu. Kelli biljett bla ritorn il-barra minn hawn, u kont fis-sebgħa sema. Kif itiru s-snin ostja. Minn dik it-titjira l'hawn dan l-ajruport rani niħi u mmur ma nafx kemm il-darba. Rani ngħannaq, nbus, nisker, nidħaq u nogħxa kif ukoll nibki u nixher. Dan il-post kien għalija l-opportunitá li mmur nara u ngġħix id-dinja. Li mmur insir xi ħaġa lil'hinn minn dak li kont, x'imkien ieħor il-bogħod minn xtutna.  Irniexxieli. Xi ħaġ' oħra sirt. Dak li kont zgur li zgur li ma għadnix. Karriera għamilt. Ħbieb għamilt. U l-Ewropa llum dorta kważi kollha. Imma għalxiex sewa dan kollu?

Forsi wiħed mill-isbaħ mumenti kien meta kif wasalt, wara tlett xhur ma narha, ħriġt barra, għannaqt lil missieri, u għedtlu jistennieni mument sakemm dort il-kantuniera għal Costa Coffee, u kif rajta hemm lil Elizabeth ġrejt għal fuqha u ma stajtx nieqaf inbusha. Kinet l-ewwel bewsa tagħna. Ironikament, f"ajruport ieħor, il-Lussemburgu, kellha tkun dik tal-aħħar. U xi ngħidu fuq l-ajruport ta' Lisbona. Li kull meta kelli nħalli lil Aurelia warajja hemmek, qisu xi ħadd għaddas idu min ġo ħalqi, laħaqli sal-kaxxa ta' sidri, qabadli qalbi u għasarieli. 

Imma l-ebda minnhom ma qabbadni dwejjaq, daqs kemm sar iqabbadni dwejaq l-ajruport internazzjonali ta' Malta.  Ir-rogħda, il-friefet fil-kaxxa ta' sidri, l-għoqla li titlali fi griżmejja, u l-isturdament li jibda ġej. Dan il-post narah biss bħala saħta, li kull darba li niġi lura lura hawn, id-dar, ħa jkolli nerġgħa ngħaddi minnu, biex immur l'hemm. Il-post fejn ngħannaq lil ommi u missieri qabel nitlaq, u bilkemm inkun niflaħ ngħidilhom xejn, ma jmrux ninfaqa' nibki quddiemhom. Kemm nibża', li ħa tkun dik l-aħħar darba li qatt rajt lil xi ħadd minnhom.

U dik hi, dan il-post sar is-simbolu li minnu jien ħa mmur l'hemm, u ma għadnix irrid immur l'hemm. Hawn sabiħ. Malta sabiħa ħafna! Familja, ħbieb, ikel, baħar, xemx ... xi erbgħa pastizzi tal-irkotta ma Excel ħafif ħafif. Nies ma min nista' nitkellem u mhux irrid nidgħi biex sempliċement ngħaddilhom idea jew ħsieb, li huma tant huma rogloditi biex jifmhu. F'għoxx il-Ġermanja. Ħadd ma jaf kemm hu sabiħ hawnhekk daqs dawk li huma minn hawn u telqu l'hemm.

Imma issa ma hemmx x'tagħmel. Din diġá r-raba' tazza li qiegħed nixrob. U għadni fuq stonku vojt. Aħjar forsi issa fuw l-ajruplan ma naħsibx iktar, u norqod ftit. Norqod nixtieq, forsi noħlom, taf int, li xi darba niġi lura hawn, u din id-darba, tkun għal dejjem.

The Belated Toast

*Taps mic*

Mic check. Mic check. One Two. 

Hi there. Hello.

*Coughs*

So … for those who do not know me, I am Jonathan. Well, most know me as Ozzy. But of course the two of you already know me, and there is no one else at this time given the random nature of this "speech".

*To the invisible crowd, that was a week ago I know, in front of him*. 

Last weekend I was honoured to be invited to an amazing wedding. That was of course, the Smith wedding. A wedding that was out of this world to say the least.

It was only after the speeches had already been given; one by the groom himself, one by his best man, and a third by the lovely bridesmaid, that as I was saying some random nonsense to the bride, I distinctly remember her saying "Hmmm maybe I should have asked you to give a speech too. Ah well" Indeed it was too late then, but it still was not too late for me to try give her what she wished for at the time.

I met Elina *scratches his bald head* since we were fourteen years old. A solid sixteen years ago. Some people said it was when the Nationalists were still in government, but I got one better, it was still back when I still had long curly hair.

*Pauses, and hopes for some laughter, from whoever is reading*

We were school kids, and we all went to the cinema together. The movie, I believe was called "The Kingdom". I have to admit I did not remember the title, and I asked the stunning bride here for help with memory, without her even knowing why I asked ha! Elina still claims she was so scared of me back then. Long scruffy hair, savage Maltese speaking rough kid "from the block". Ironically my block was barely a fifteen-minute walk away from hers. But it was soon after that we found ourselves at the same sixth form. We back-staged together. We drank together. We danced, we partied, we went to SAC fests. We all did an insane amounts of shots at this particular pub, Street Fellows, together with all the crazy things one is supposed to do in one's youth.

But that's the thing, friendships of the sort at that age tend to be a lot, and after a while they all fade away. Not this one. Even at university, and after when I moved abroad, we never got out of touch, and in the darker times, when I thought things were getting bleaker and darker than ever, Elina was always the kindest and gentlest soul to provide a listening ear, and all the support she can muster. And when I myself thought I couldn't go forward, she still managed to get me to take the next steps, and never doubted me. For that, I owe her my gratitude till the day I find myself on the death bed. No wonder she became a councillor, helping others is in her nature, and for that, I shall be forever grateful. People like her is what the world needs, especially in these troubling times.

I was always the typical Maltese who loved to party, drink, eat, yet I always noticed that even though we did these things all together, Elina had an insatiable desire for more. For the great outdoors, and nature and life. I was so happy for her once she left the confines of the tiny barren rock that is Malta, and came here to enjoy the great Scottish outdoors. And she found the best person to share her adventures with. I never have enough of watching stories on Instagram of Elina's adventures with Kevin and Toby. They always brighten my day every single time.

And what can I say about the dashing handsome groom?! I got the pleasure of spending three days in the company of Kevin, and what a gentleman he is. Funny, witty, gentle and friendly we had loads of fun, from taking silly photos with the props at the start, to dancing to Lock Lochmond (I hope I am getting the name of the sing right here haha) at the very end. No wonder Elina fell in love with him. Five minutes after meeting up with beers, doughnuts and some of the green good stuff, it felt already as if I knew the man for a lifetime, and would trust him implicitly. He welcomed us Maltese in Scotland with open arms, and made us feel instantly at home. Of course she fell in love with him. And how great is that!

It was when I saw the look in their eyes as they looked at each other on the in front of the ceremony guy (or was he a minister? I am not sure, please forgive my ignorance on the matter), that I started crying like a five year old. Out of happiness, of course. And so did Steph next to me. That look these two amazing people had in their eyes as they were saying their vows and tying the, quite literal in this case, knot, is both an inspiration, and a lesson to us all. It is the inspiration that that love is out there and exists strongly, and that we ought to never give up in our search for it, because once it is found, like for Elina and Kevin, it truly is the best thing in the whole damned world. And it is a lesson, that we should strive to be like the two of them, follow in their example of being kind, gentle, welcoming, humble, honest, and grateful as they are the living example that love is the product of all these characteristics, and we should never take any of them for granted. These are the inspiration and the lesson I got from this wedding. And they are both something I will cherish, within this memory of them holding hands and looking in each other's eyes, forever.

On that note, I better stop now before I start rambling, I ask you all, whoever is listening to this speech (actually reading this page and got to this sentence, I know, but I have to keep with the character and theatrics now) to raise a toast, to the newlyweds, to Kevin and Elina, to Mr and Mrs Smith. May you have a long and happy marriage, with everything that you can ever wish for. You are truly an inspiration to all of us. 

*Raises glass*

 

--- o --- o ---

 

Ramadan

10:30 Illum l-ewwel jum tar-Ramadan. Mhux għax jinteressani xi ħaġa mir-Ramadan, imma Abdel sieħbi. Mhux biss kollegi, mhux biss il-boss tiegħi, imma wkoll sieħbi. Għal xi raġuni ħassejt il-bżonn li nibgħatlu dalgħodu, nawguralu Ramadan hieni, w issa li dan l-aħħar qisu kien għaddej minn żmien iebes, avolja baqa' ma jridx jgħidli għalfejn; biex forsi jsib naqa dawl f'dan il-mument ta' dlam. 

12:15 Ħaqq alleċ, issa jien fejn kont ħa nobsor li ħa jistedinni għal ikla tal-ftuħ tar-Ramadan? Mhux għax fiha xi ħaġa ħażina, anzi, l-istedina napprezzha ħafna. Imma ma għandix aptit ...  Ġib xi trid tixrob, żewġt fliexken juice, u naqra ħobż. Anzi le, m'hemmx għalfejn ġġib ħobż. Qrajt il-messaġġi minn fuq in-notifika, mingħajr ma ftaħthom. Kieku jkolli nirrispondi għax jiġu jidhru l-qaħbeċ very goods blu. Ġejjin xi tfajliet ukoll. Hmm forsi ma tkunx serata daqshekk kerha. Imma ġej aptit ta' pizza ...

14:56 Issa jien pizza, biex neħxien? Imma, risotto biż-żagħfran, ilni għalih ġimgħa. Jew immur però? Dak ifisser ħa jkolli ninħasel u mmur sas-supermarket... Hassle żejjed.

16:34 F'erbgħa siegħat ma bdiltx fehmti. Ma nafx x'naqbad nagħmel. Żumbett ieħor, anzi tnejn. Għadni ma rrispondejtux ostja. 

17:03 Naħseb illejla mhux ħa nbossu. Hekk jew b'hekk illejla hija ċelebrazzjoni ta' ferħ. Jien meta l-aħħar kont ferħan? U festa tal-kisra tas-sawma ... hahaha sawma min jismagħna. Mur arani, ħanżir bħali, nsum. Haha. Ma ħaqqnix mmur llejla.

18:09 "sorry man. am out in oldenburg today. was busy. not sure if i make it in time". Mhux veru. Imma mhux ħa ngħidlu li ma rridx mmur hux. Ma jmurx jieħu għalih. Ħa nrembel ieħor ara.

20:47 Qaħbeċ kemm kien tajjeb dak ir-ross. Tant blajt minnu li qagħadli fuq l-istonku. Ħaqqni hux. Tgħid qed jieħdu gost dawk? Imma issa tard wisq. Hmm x'hemm fuq Netflix għal-llejla? Anzi le, Bud u Terence ...

23:40 Trinità tajjeb wisq ostra. Kapulavur ta' Enzo Barboni. Inrembel ieħor u għas-sodda. Ostja. Messni ħriġt u mirt s'għandu. Forsi kont nintefa nifflirtja ma Anna. Dik orrajt. Imma għalxejn. Biex noqgħod nittama u naqgħa ħażin wara? Aremm. Żul. Ha nrembel ieħor u wara nistabat. 

Għodwa taż-Żobb

Għodwiet bħal din huma veru taż-żobb. Kien hemm xi żmien fejn kienu jogħoġbuni, darba ilu ħafna, fil-bidu ta' dan kollu. Iżda llum il-ġurnata sirt insibhom bħala forma ta' purgatorju. Purgatorju, li jien stess nidħol għalih, u wkoll bir-ras xi kultant. Huma għodwiet li kważi kważi nasal biex insejħilhom non-sensiċi u moħlija.

Biex imbasta noqgħod nippanikja li iż-żmien qiegħed jgħaddi w jien m'hu qed nagħmel xejn bih, naħli għodwiet sħaħ, mitfugħ fuq sufan, niċassa lejn dak ir-rettangolu jixgħal, kollu stampi jiċċaqalqu. 

Barra x-xita u xebgħa riħ. L-uffiċju ma mortx. Minħabba l-qaħbeċ każta' COVID li siebu matul nhar il-Ħadd. Issa naraw, jien ma għandi xejn, naħseb insomma. U mbagħad għada jasa ukoll, u mmur nagħmel shift ta' filgħodu. Tiskanta kifavolja ninsab kwazi 350 km bogħod, xorta r-rutina tibqa' ma tinbidilx. Neqred kemm neqred mill-Ġermanja, li ma hemm xejn x'tagħmel, imma l-verità hi li jien minni wasalt f'dan il-limbu fejn ma rrid nagħmel xejn, imbasta qadt nifah li kont ġej xahar fuq xogħol sal-Pajjiżi l-Baxxi, u li hawn ssib ħafna iktar x'tagħmel. Iż-żobb ta' riħ kiesaħ jaqtali qalbi wisq.

Għodwiet bħal din huma veru taż-żobb. U l-bieraħ ma kienitx wisq differenti. Ħa ngħidlek eżatt kif trid tagħmel biex tifhimni. 

Tistembaħ fil-ħamsa u nofs ta' filgħodu. Għadek nofsok impemċel mil-aħħar żumbett li pejjipt qabel dħalt torqod. Heq, tajjeb wisq. Hekk sewwa u xieraq. U tipprova tafx ... tipprova żżomm għajnejk magħluqin forsi terġgħa tmur għajnejk bik, imma le. Imma bihom magħluqhin u miftuħin mhux li hemm xi ħafna differenza, għajr għal dak ix-xaqq ta' dawl ħamrani ġej mil-bozza barra fit t-triq. F'kemm ilni ngħidlek, il-ħsiebijiet jibdew malajr jerġgħu jiġu fil-wiċċ. Tipprova tbiddilhom, imma żżabbab jirnexxilek. U tiċċassa u tiċċassa lejn is-saqaf, tipprova tbiddel it-tewdhina li għaddejja on loop ġo moħħok, sakemm "Ħaqq dak Alla, fuck it hux." Tqum, tmur sal-loki, fejn tispiċċa mal-ewwel tqalleb fuq is-soltu profil fuq Instagram, dak ta' Britney Spears. 

U ħallina minn Britney, għalxejn qed tiċċassa. Neħħi minn hemm. "Iva sew, imma ħaqq żobbi issa li għadu dlam ċappa u d-dinja għada rieqda, xiż-'obb ħa taqbad tagħmel?" U nsomma ma hemmx għalfejn nidħlu f'wisq dettall. U hemmek hi l-problema. Tista, fil-verità, tagħmel kafé tintefa' taqra ktieb, jew tagħmel dik in-naqra eżerċizzju. Imma le hux. L-għażż b'saħħtu wisq. Kollox jaqtali qalbi. U allura, minnflok waħda minn li semmejna, tispiċċa bil-qegħda mal-mejda tal-kċina trembel żumbett ieħor. 

Isfel kien diġà riefnu babaw. U dak riħ kiesaħ imma tafx ostja. Grazzi għal għażż, bla kalzetti u s-swaba ta' saqajk mhux tħosshom itkar sakemm tkun pejjipt u tlajt lura fil-kamra tas-sodda. F'għoxx ir-riħ ma xebgħax jintefa'. Il-ftit sekondi fuq il-lift sakemm tasal lura fl-appartament ha jinħassu qishom eternità. Taħsibx fuqha. Taħsibx fuqha. Taħsibx fuqha. Għaddew tlett xhur issa. Tibqax taħli ħin. Għalxejn tixtieq terġgħa tkellimha, bħal kif kontu titkellmu dak iż-żmien, issa għadda. U f'kemm ilni ngħidlek, terggħa ssib ruħħek, b'rasek ddur bik, fil-kamra tas-soda. Tagħmel sforz, ttajjar ħwejjġek minn fuqek u tintefa' lura taħt il-friex. Idek maddumx ma titfagħha fil-qalziet. U tintefa' tixxennaq, bħal-baħnan, għal żewġt nisa f'daqqqa, waħda xagħra iswed u oħra bjonda. Ħaqq Alla bjonda? Biex tkun tixabaha? Heq, fuck it, issa b'dik l-immaġni ħa jkollna nkomplu ... 

U jibdew idoqqu l-vjolini, dik il-meoldija melankonika ta' Dvorak, qisha t-tnegħida ta' qalb trid tinfaqa tibki, "Songs my mother taught me". Ostja. Erġajt irqadt. U erġajt qomt. Kieku mhux għax il-ħoss tal-mobile jivvibra ma jdejjaqnix, inħallih idoqq filgħodu. Noqgħod nisma t-tnegħida li huma l-vjolini ta' Dvorak. Imma jdejjaqni dak il-ħoss persistenti. bvvvvvvvvv. bvvvvvvvv. bvvvvvvvvv. Sottofond taż-żobb. Allura nwaqqfu. Eh issa differenti. Ħaqq Alla sebaħ. Insomma "sebaħ", xorta griż u mdallam, imma ftehmna. Ara, it-torrijiet u l-profil ta' Den Haag xorta jidhru fil-bogħod, avolja qisha nofsha moħbija wara ċ-ċpar. Imma dan mhux ċpar, dan sħab li jmiss mal-art ...

Għodwa taż-żobb, tqum, u bil-kwiet tiħeb lejn il-kċina. Timborġa l-moka b'kemm tiflaħ Lavazza. Imma mhux Lavazza li jkun, jew Qualità Rossa jew xejn. Sakemm isir, tqalleb ta' fuq fuq it-Times of Malta, l-Malta Today u l-Lovin Malta. Ddur il-headlines, u tara mnn qabel liema artikli trid taqra hekk kif ikollok il-kafé quddiemek. Tiftah il-laptop tax-xogħol, tara li tidher sew online, u tintefa' lura moħħok fil-gazzetti fuq il-mobile.

Issa għidli naqra int, kif suppost għandi nsib il-motivazzjoni għall-ġurnata jekk ħlief "Min ħexa, mexa" ma narax fuq il-gazzetti. U kullħadd jitgħajjar, mingħalih li jifhem xi ostja; meta' fil-verità kull ma hu l-espert prominenti fil-ħaralokali, b'opinjoni maħruġa minn għoxx kemm għandu. Ħaqq Alla.

Issa veru għandi xi aptit naħdem mid-dar jien? Qas biss naf x'naqbad nagħmel minn hawn. Ċuċati li jridu jsiru hemm, imma dawk dejjem nista' neħlishom darb oħra l-uffiċċju. Il-ħin bil-mod qed igerbeb. Jekk Dvorak daqq fid-disgħa, issa diġà l-għaxra u nofs. Ħaqq Alla, mela la mhux xogħol xiex? Ktieb? U le mhux għalissa. Jew Netflix? Uffff veru ostja ġejja ġurnata oħra mitfugħa moħli quddiem dak ir-rettangolu kollu kuluri? U issa? Tinsiex li The Office lestejtu. Anke Space Force. Le. Podcast Ok. Forsi. Ok. Dak għallinqas edukattiv. 

U nsomma, trembel ieħor. Issa filgħodu, mela sativa mhux indica. Lemon Haze naħseb li tinżel għasel. L-Amnesia aħjar għal wara nofsinhar. Tinżel isfel, u tqabbad ieħor. Ir-riħ għadu ma waqafx ostja. Anzi, kważi kważi jinħass qisu żdied. Taħsibx fiha. Għalxejn. Tixxennaq għal dawk il-jiem fejn kont għadek qiegħed tixxemmex Caxias jew São Pedro do Estoril, magħha. Għalxejn. Taħsibx. Qattajt wisq ħin int tistennieha, u hi għaddejja b'ħajjitha żżommok b'kemm kemm lixka. Għalekk qiegħed hawn, tpejjep, issa, biex ma taħsibx fihom żgur dawk il-jiem. Fuq għandek x'taqra kemm Dune, mhux imbasta bdejtu, lestieħ ostja! Għandek ukoll Romanzo Criminale. Taf kemm-il sena ilek tgħid li ħa taqraħ? U tinsiex li kull ma jonqsok terz ta' Choke biex tlestih. Anzi dak għoġbok ejja. Issa lesti minn dan iż-żumbett, itla' fuq, u kompli mqar lilu.

Kien hemm żmien, żmien twil, fejn kont noqgħd nibgħat lilha f'dawn l-għodwiet. U kont noqgħod negħda fil-fantasiji ta' moħħi, li xi darba jien u hi għad inkunu flimkien, u fejn hemmek imbagħad kien ikolli raġuni valida għalfejn inqum fuq tiegħi u nagħmel xi ħaġa bis-sens. Għalumenu hekk kont naħseb. U kont nagħmilha kieku ġrat tafx. Imma ma ġarax hekk. W issa ħeġġa ma fadallix. U tgħid mhux ħa nieħu ċans ieħor. Ma tarax. Biex nerġgħa nfalli? Biex nerġgħa nweġġgħa? Inżabbab. 

U dan hu, insomma, il-purgatorju li ħloqt jien stess, għalija nnifsi. Fejn ma għandi ħeġġa nagħmel xejn, ħlief naħrab minn ħsibijieti, u l-memorji tiegħi stess. Fejn naħrab biss mid-dieqa, u nipprova ma nixxennaqx għall-affarijiet li issa għaddew. Forsi kieku mort l-uffiċċju kont negħdha b'xi ħaġa. Imma issa li hemm hemm, u għażżien wisq biex immur inkompli wara nofsinhar hemm. Irrid ninqala minn din ir-rutina miżerabbli. Imma mhux llum. Issa hemm il-kotba ... u Netflix ... għodwiet bħal tal-lum huma veru taż-żobb ...

Qomt Bla Nifs

Kellna niltaqgħu dalgħodu. Kellna mmorru nieħdu kafe. Kafe pingado, bħal dak li kont dewwaqtni u darrejtni int, meta konna Lisbona flimkien. Qas ilu erbgħa xhur, imma jinħassu eternita. Kien ilni nistennieh dan il-mument. Xahar, tlett ġimgħat u jumejn, biex inkun eżatt.  W issa dalgħodu, fis-sebgħa kellna niltaqgħu, u kelli l-friefet f'qalbi. Friefet u tferfir minn dawk li qas sigarett, Pueblo blu, mil-qawwi u bla filter, tal-bennejja, ma jirnexxilu jikkalmhom.

U int, li avolja weġġajtni, naf li ma kienitx b'malizja. U minħabba f'hekk qatt ma bgħattek tieħdu f'għoxx kemm għandek l'hemm. Kienu d-dinja u l-ħajja li qabbduna toroq differenti, u int ma ħtejt xejn. U għalhekk bqajt inħobbok, avolja jekk xi ħadd ħa jsaqsi, jien ħa niċħad. Nilludi lili nifsi.

U kemm tħobbu lil Oreo, dak il-qattus xwejjaħ, abjad u iswed, hemm fid-dar t'ommok, ġewwa raħal minsi f'qiegħ il-Lussemburgu. Mhux ta' b'xejn li għaddejt titmagħhom il-qatates, hemmek fi Ġnien l-Indipendenza, max-xatt.

U wasalt kmieni, ippassiġġajt ftit, mal-mixja tax-xatt li mill-Balluta, fejn ipparkjajt dak il-Mini blu, qadima w imdamdma li għandi. Inżilt bil-pass, waqt li pejjipt sigarett ieħor, forsi l-ostja friefet ġol-kaxxa ta' sidri jieqfu jferfru u jittajjru, u nsib naqra kalma. Rajt wiħed stramb, jiġri u jitkellem waħdu f'nofs il-bankina. Bjond, insomma, xahru bleachjat bil-flokk nofs komma, avolja kien il-bard ta' Jannar.

Dħalt fil-ħanut, dik ir-riħa ta' kafe taqsam. Dik ir-riħa ta' kafe għadu kemm jinxtewa, u jintaħan. U dik tal-ħalib, sħun sħun, waqt li l-barista kienet qegħdha tipprepara Kappuccino għal klijent iehor. U ftit wara ġiet issaqsini x'nixtieq, u għedtilha li "għalissa xejn, għax qiegħed nistenna lil xi ħadd".  Ma kellix paċenzja, iżda bqajt issumat niċassa lejn l-arloġġ. Is-sekondiera ddur u ddur u ddur, minuta wara l-oħra, nistenna lilek titfaċċa fil-bieb, newdhen fuq x'nista' ngħidlek. U f'iktar minn "Hello", moħħi ma bediex jaħseb.

Imma int bqajt ma tfaċċajtx. Għaddiet kwarta, nofs siegħa, u bdejt naqta qalbi. Issuppervjajt, u qomt minn mal-mejda u mort mal-bank. "Espresso doppju jekk jogħoġbok". Sakemm qdietni l-barista, rembilt sigarett ieħor. Newwlitli l-kafe, u wara li fqajtu żokkor, tant li jdardrek, niżżiltu f'nifs wiħed. Qbadt ġidi, u tlaqt il-barra.

Imma hemmhekk bqajt issummat. Nara ambulanza, nara karozzi tal-puluzija, eżatt hemm, fejn naf li jkunu l-qtates. Ittawwalt minn ftit l-bogħod, u huma jpoġġu l-liżar abjad fuq ġisem mitluq, ngħaraf wiċċek, b'dik il-ħlewwa kollha tiegħu. B'dak ix-xagħar bjond u twil ...

--- o ---

U qomt bla nifs. Ftaħt għajnejja, u kull ma rajt dak is-saqaf abjad, li fid-dawl tas-sitta ta' filgħodu jidher iktar qisu xi ġriż maħmuġ. Ma stajtx nieħu nifs, qisu xi ħadd kien qabadni minn għonqi u qiegħed jifgani. Ma nafx kif inqlajt minn fuq is-sodda, u għotort għal mal-art. In-nifs b'xi mod ġie, u infqajt nolfoq qisni tarbija, kollni għaraq li xaqq għalija matul il-lejl. Hemm mal-art, kobba, fuq dak il-madum kiesaħ u iebes. 

U għal--grazzja t'Alla, anzi x'qiegħed ngħid, tal-allat kollha li qatt kien hemm, u li qatt għad ikun hemm, veri jew foloz, int ma tinsabx hawn u hekk. Int tinsab tajba, u tinsab f'saħħtek. U avolja l-ħajja ħaditna f'toroq differenti, u ma naħsibx li qatt ħa terġgħa tlaqqana, ma rrid qatt li qatt jiġrilek xi ħaġa. U nispera li tinsab kuntenta. Dan ngħidu mhux għax għadni inħobbok, imma għax l-ebda mara fuq wiċċ din id-dinja misħuta ma ħaqqha hekk. Ħadd u l-ebda!

U avolja l-kafe ma naħsibx li qatt ħa nerġgħu neħduh flimkien, għallinqas int għadek tista tgawdih, u nispera jibqa hekk għal dejjem, mhux kif ġralha Paulina.

Ma kienx ħaqqha hekk Paulina. 

Kien ħaqqha ħafna aħjar Paulina.

U lanqas l-allat kollha li qatt kien hemm, u li qatt għad ikun hemm, ma jirnexxilhom iżommuni milli inqattgħu biċċiet b'idejja stess, lil xi ħadd bħal dak il-purċinell beżqa li lil povra Paulina għamillha hekk, jekk qatt xi ħadd jagħmel hekk lilek.

--- o ---

U lilek, il-qarrej, ftakru dan l-isem. Paulina Dembska. U ara tazzarda qatt tinsieħ! Għax hi kienet bint xi ħadd, probabbli oħt xi ħadd, u x'imkien fuq wiċċ din id-dinja mnejka, hemm uħud, li għadhom iħobbuha bl-istess mod kif jien għadni nħobb lil min telaqni. 

U barra minn fuqek, anzi barra minn fuqna t-tnejn, u kulħadd fuq wiċċ did-dinja, li xi ħadd ikollu jgħaddi minn dak li għaddiet hi, u dawk li kienu jħobbuha.

Kien ħaqqha ħafna aħjar Paulina.